Løvstrædemi café nutaaq
Erinarsoqatigiit Sarpik Københavnimi Kalaallit Illuutaani cafémik nutaamik ammaapput.
Pingasunngorpamiit juulip 14-ani ataasinngornermut aggustip 16-anut Sarpiup aasaanerani kalaallit illuutaanni cafeteria Ajamut ingerlatissavaa, illup nittartagaani allassimavoq.
Café erinarsoqaritigiit peqatigiiffiata Sarpiup ingerlatissavaa, sinneqartoorutillu tamarmik peqatigiiffiup aaqqissuinissaannut atorneqassapput, Peqatigiifik ilaatigut kalaallinut parnaarussanut erinarsoriartarpoq.
Kalaallit Illuutaani ilinniartitaanermut siunnersorti Pia Rosing Heilmann siulliulluni kaffisorniarpoq imalu naliliivoq:
- Cafémi siulliunera nuannaraara, taamaallaallu pastanut mamartunu flûtetalinnut 25 kroneerlunga. Akui mamaqaat qalipaatigillutik akoorluagaallutillu. Naliliisartuusuuguma salatinik tallimaasunit tallimanik nalilissagaluarpakka.
- Salatitoreerlunga cappucinomik imerpunga sukkulatimik kaagiliamik kissalaartumik illupeqqerlugu. Kaagit toqqagassat pingasuupput, kaffillu assigiinngitsut pingasuullutik. Sapaatip akunnerata tullianiit aamma iskaffeqalissaaq, Pia Rosing Heilmann oqaluttuarpoq.
Café ataasinngornerit pingasunngornerillu tamaasa nal. 13-miit 16-imut ammasassaaq, aamma sodavandinik, kaffimik, tiimik aasaaneranilu salatinik pisisoqarsinnaassalluni.
Nunatta Tivolimiinnissaa sioqqullugu sapaatip akunnerani café aamma marlunngornerni sisamanngornernilu 13-miit 16-mut ammasassaaq.