Eqqarsarluarlutit siaasaagit

Seqinnarik, kiak sulinngiffeqarnerlu. Nunatsinni sumi tamaani siaasarisoqartaleruttorpoq. Nuannisaarnerli kinguneqapilussinnaavoq eqqarsarluarani siaasagaanni.

Neqi uunneqanngitsoq neqillu ooqanngitsup issera napparsimalissutaasinnaasunik bakteriaqarsinnavoq, soorlu campylobacterinik aamma salmonellanik.

Nerisassiornermili eqquluisaaraani neqi bakteriaqaraluarpalluunniit napparsimalersoqassanngilaq. Siaasaatillutit ilitsersuutit uku malikkukkit siaasaakkanik nerereernermi napparsimaleratarsinnaanerit annikillisissavat:

1. Neqi uuneqanngitsoq neqinit siatanit nerisassanillu allanit immikkoortillugu ilisaruk.

2. Neqip uuneqanngitsup neqimit siatamit nerisassanillu allanit immikkoortinissaa pingaaruteqarpoq. Neqi uuneqanngitsoq ilitsivimmut kitserivimmulluunniit immikkoortillugu ilisaruk aamma neqi siariigaq ilitsivimmut kitserivimmulluunniit saleriikkamut allamut inissittaruk. Campylobacterbakteriat neqimit uuneqan-ngitsumit pisut neqimut siariikkamut, salatimut iffiukkamulluunniit pisimappata tamannaannarluunniit naarlulersitsisinnaavoq timmimmillu anartalersitsisinnaalluni.

3. Siaasaakkanut tigutsisinik marlunnik peqaruit aappaa neqinut uuneqaanngitsunut atortaruk aappaalu neqinut siatanut. Amerlanerit pisarnerattut ataasiinnarmik tigutsiseqaruit taassuma neqimut uuneqanngitsumut atoreerneri tamaasa tigutsit aamanut ”qiluattartaruk”. Taava bakteriat toqulertorneqassapput tamatumalu kingorna neqinut siatanut atorsinnaalissavat.

4. Neqit aserortikkat, timmiaatit neqillu aqilisakkat

5. Neqit aserortikkat, timmiaatit neqillu aqilisakkat sianneqarluarsimasussaapput. Assersuutigalugu hakkebøffi kukkukuuaqqalluunniit meqqui aappasussaanngillat. Taakkumi neqaat bakteriartaqarsinnaapput, uulluaanikkulli bakteriat toqunneqartarput. Neqit ilivitsukaat soorlu siatassat bøffiliassallu qaavi kisimik bakteriartaqarnerusarput. Taamaattumik neqit ilivitsukaat siaqqissaarnissaat pisariaqanngilaq.

6. Assatit asattakkit bakteriat siammartinnaveersillugit.

7. Neqit uuneqanngitsut kitsersimagaangakkit imaluunniit tigullugit siaasaasivimmut iliorarsimagaangakkit assavit asaqqissaartarnissaat eqqaamasaruk. Taamaaliortaruit neqit siariikkat, salatit, iffiukkat akussallu allat bakterianitsissanngilatit.

Siatsinerup nalaani mingutsitsineq

Stegemutagenit stoffiupput siatsivimmi (pande), grillimi, uutsivimmi (ovn) frituremilu siatsinermi neqini nerpinnilu pilersinneqartartut. Stegemutagenit pingaartumik kissartorujussuarmik siatsinerni pilersinneqartarput.

Stoffit kræfteqalersitsisinnaasut pilersinneqartarnerinut pissutaasinnaasut ilagaat kissassuseq, silaannalersugaaneq, nerisassap uunartumut ungasissusia inissinneqarneralu aamma nerisassap orsortaqassusia. Norgemiut misissuineranni nalilerneqarpoq inuit siaasakkanik ukiumut 30-eriarlutik amerlanerusunilluunniit nerisartut tamakkutornikinnerulertariaqartut.

Nerisassat mingullit nerisaavallaarunnarsinnissaanut atatillugu assigiiaannginnerusunik nerisaqartarnissaq tamanut inassutigineqarpoq. Tassa aamma imaappoq siaasakkanik ikumatitanullu siatanik neriniaannartoqartariaqanngitsoq.

? Siaasaanermi ikumatitamullu siatsinermi nerisassiulinnginnermi aamat aamaarlualernissaat innerullu ikummarissinissaa utaqqeqqaarneqassaq.

? Kissarpallaanngitsumik siaasaarisoqassaaq siaasagarlu mumillattaartarlugu.

? Ikumatitaq silaannaqarluartinneqassaaq

? Gasgrill atorukku lavastenit ipiitsuunissaat isumagineqassaaq

Neqit osui uulialu marinadeneersoq aamanut kusernaveersaartinneqartariaqarput. Taakku pujuat usserummik akulik kræfteqalernissamut annertusisitsisinnaavoq. Orsoq kiammik pilersitsisumut kuutsinnaveersaaruk, assersuutigalugu kiammik pilersitsiviup (siaasaasiviup) saneraanut inissillugugu imalunniit nerisassat kiammik pilersitsisumut qulissiullugit ajornanngippallu immikkut quserfiliillugit nerisassalluunniit foliomut poortuullugit.

Neqit ilerngi kilillugit piikkit. Neqip ilisoorneri manngertunngorlutik qernertittut kilillugit piikkit igillugillu. Taakku ajoqusiisinnaasunik kræfteqalernissamullu qaninnerulersitsisinnaasunik akoqarput.