Utoqqaat taxartut
Nuummi utoqqaat illuani najugaqartut marlunngormat illoqarfimmi taxamik angalaarput.
Annonse
Tamanna taxacentrali 32 22 22 maannakkut Nuuk Taxi 36 36 36-usoq atorallarmallit ileqquuvoq.
Nuuk Taxip juulimi inuuissiorneranut atatillugu utoqqaat illuani najugaqartut illoqarfimmi alliartupiloortuni misigisassarsiortillugit angalaarunneqarput.
Angalaarneq illoqarfiup qeqqqani Nuussuarmilu ingerlanneqarpoq, Stanislaws Pladsimilu naggaserneqarluni, tassani kaffi nassarneqartoq imerneqarluni. Isikkivik aliannaarsaatigereerlugu utoqqaat Qinngutsinni rungkørselit pingajuannut ingerlanneqarput, mittarfik avattullugu, Iimanut kingornalu Utoqqaat Illuanut.
Tamanna najugaqartunut misigisaavoq nuannersoq, nuannaraallu taxani erfalasulisartuni illoqarfimmi angalaarnissaq, taxacentralip pisortaa Karen Bøggild oqaluttuarpoq.