Facebook sianiillinanngilaq

Akunnerpassuarni spillinnguit, misilitsinnerit soqutaarpianngitsut ikinngutivillu angalaarnerminni assingisa isiginnaarnerat sianiinnerulissutiginavianngilat.

Ilinniartut Facebookimik MySpacemillu annertuumik atuisartut allaniit attaveqaatinik tamat atugaannik atuinngitsuniit angusakinneruneq ajorput, tamanna Northwestern Universitymi Chicagomiittumi misissuinermit paasineqarpoq, dr.dk allappoq.

Akerlianilli takutinneqarpoq pisarnertut angusat nikingassutaat nalinginnaasumik peqquteqarnerusartut, tassalu arnat angutinniit angusarissaarnerusarlutik, nittartagaq arstechnica.com allappoq.

Misissuinermi aamma paasineqarpoq angusat qanoq qaffasitsiginerannut angajoqqaat ilinniarsimassusiat apeqqutaasartoq. Tassani attaveqaatit tamat atugaat apeqqutaalerput - imatumi isikkoqarpoq internetip nikingassutit assigiinnerulersittarai.

- Internetimik atuisinnaassuseq qanorlu qaffasitsigisumik angusaqarneq imminnut attuumassuteqarput pitsaasumik, taamaalillutimmi ilinniartut internetimik atuisinnaasut ilinniarnerminni internet paasiniaaffigalugu iluaqutigisinnaavaat, misissuinermi paasineqarpoq.

Powered by Labrador CMS