Issittumi avatangiisit akisussaaffigaat
Angusat ilaaatigut tamaapput, avatangiisinut ministerip Karen Ellemannip nunatsinni Ilulissani juunip 8-aniit 11-anut issittumi ministereqatini peqatigalugit ataatsimiinnerminni angerlamut nassataasa ilaat.
- Issittumi avatangiisit immikkorluinnaq ittut illersorneqarnerunissaanut pingaarutilimmik alloriarpugut. Aalajangikkat Issittumik Siunnersuisooqatigiit aalajangigaasa ilaasa piviusunngortinneqarnissaannut akisussaaffeqarnissatsinnut isumaqatigiissuteqaratta nuannaaqaanga, avatangiisinut ministeri Karen Ellemann (V) oqarpoq.
Avatangiisimut ministerit ataatsimiinnerminni ilaatigut Østersømi misilittakkat eqqartorpaat, HELCOM-imi naalagaaffiit qulingiluat suleqatigiillutik Østersø malussajasuusoq isumaqatigiissutigaat.
- Østersømi pisut tunaartassatut isigaakka, issittumiknaalagaaffiit immap mianernaqisup illersorneqarnissaanut suleqatigiiffigisinnaasaat, avatangiisinut ministeri oqarpoq.
Mexicop kangerliumanersuani uuliaarluarneq immami avatangiisinut annertuumik sunniuteqarsinnaasoq avatangiisinut ministerit annertuumik ernummatigaat. Immami pisuussutit soorlu uuliap gassillu atorneqarnerani suleqatigiinnerup ataqatigiissaarinerullu pingaassutaa peqataasut erseqqissarpaat, taamaalillutik ajutoornissat pinaveersaartinneqarlutik.
- Issittumi avatangiisit mianernartut illersorneqarnissaani unammisassat pillugit issittumi avatangiisinut ministerit ataatsimiinnerminni siullermi aaseqatigiilluartoqarmat iluarisimaarpara, Karen Ellemann oqarpoq.
Issittumi avatangiisinut ministerit persuarsiunngitsumik ataatsiminnerat siulliuvoq. Taama aaqqissuisoqarneranut peqqutaavoq Issittumi Siunnersuisooqatigiinni Danmarkip april 2009-miit maj 2011-mut siulittaasuunera.