Sunniuteqarnissamut piginnaasaqarneq?
Kommuneqarfik Sermersuumi meeqqat, inuusuttut inersimasullu piginnaasallit unammineranni 'Pillammammi' peqataasusuttut suli misilitsinissamut nalunaarnissaminnik ataasinngornermi juunip 14-anut periarfissaqarput.
Meeqqanut, inuusuttunut inersimasunullu piginnaasaqarnermut Sermersuup unammisitsineranut peqataanissamut nalunaarnissaq ataasinngorneruvoq.
Sapaatiuppat juuni 20-ani Nuummi misilitsittoqassaaq, tassanilu meeqqat 12-niit qummut uakullit, inuusuttut inersimasullu takutitsisinaaput makkunani: isiginnaartitsineq, nipilersorneq, qitik, quiasaarineq erinarsornerlu. Nuummi misilitsinnerup saniatigut illoqarfiit Illoqqortoormiut, Tasiilaq aamma Paamiut tamamrik misilitsinnermik ingerlatsiffiussapput.
Misilitsinnissamut nalunaarneq allakkatigut aamma pisinnaavoq emailerluni haqu@sermersooq.gl imaluunniit NUIF-iup allaffianut sianerluni oqarasuaat 36 33 00.
Illoqarfiit tamarmik Nuummi naggataarutaasumik Pillammammut peqataasussanik tamarmik pingasunik nassiussaqassapput, taannalu ICC-p ataatsimeersuarnerani juunip 30-ani Nuup Itersortarfiani pisussami ingelranneqassaaq.
Peqataasut periarfissaqassapput Canadami Alianait Festival 2011-mi ingelranneqartussami peqataanissaminnut.
Taassuma saniatigut meeqqat inuusuttulu assiliinermut unammisitsinermi peqataasinnaapput, tassani assiliivimmik eqquisinnaallutik, kiisalu oqaluttuaaraliornermik unamminermut peqataallutik, tassani qarasaasiaq angallattagaq eqqorsinnaalllugu.
Unamminermit pingasut pilersinneqarput Kommuneqarfik Sermersuup, ICC-p, NUIF-p kiisalu Inua Consulting ApS-ip suleqatigiinnerisigut.