Kalaaliaqqat pillugit arpanniarput

Red Barnet Allerødip ukiumoortumik timigissaatigalugu arpaliutsitsinera sapaammi juunip 20-anni ingerlanneqassaaq.

Red Barnet Allerødip ukiumoortumik timigissaatigalugu arpaliutsitsinera sapaammi juunip 20-anni ingerlanneqassaaq, tassanilu aningaasanik katersuiniartoqassaaq, taakkulu tamarmik Red Barnip Kalaallit Nunaanni meeqqanik inuusuttunillu sumiginnakkanik susassaqartitsiviinut atugassanngortinneqassapput.

Timigissarluni arpaliunneq Vestre Hus Børnecenterip Mørkebakkevej 1-imiitup eqqaaniit nal. 11.00 aallartinneqassaaq. Orpippassuartigut arpattoqarsinnaallunilu pisuinnartoqarsinnaavoq, kikkulluunniit peqataasinnaapput.

– Ullaatungaani orpippassuarni nuannisaarnissamut peqataajartoritsi, Red Barnet Allerød kajumissaarivoq, ukiormannalu aamma aliikkusersuisartunik quiassaarisartunillu assigiinngitsunik peqataasoqassanerarlugu.

Powered by Labrador CMS