Kalaallit meerartaat ikiorniarpai
TV-kut aallakaatitsisartoq, atuakkiorneq nipilersortartorlu Annette Heick Dansk Folkehjælpip ambassadøriinut ilannguppoq.
Kalaallit meerartaat isumagineqarnissamik pisariaqartitsisut, suliniaqatigiiffiit piumaassutsimik ikiuuttussanik sulisussarsiortarneq aammalu atuarfinni suliffeqarfinnilu ikiueqqaarnermik pikkorissartitsisarneq suliffiginiarpai.
TV2-mi aallakaatitsisartup Annette Heickip suliniaqatigiiffiup kalaallit meerartaasa atugarissaarnerulernissaannik suliniuteqarnera soqutigisorujussuuaa: – Kalaallit meerartaasa tamaaliornissamut akissaqannginneq pissutigalugu meeqqatut allatuulli feriartannginnerat tusaraangakku uummatikkut annertarpunga. Kalaallit Nunaat qanoq ungasitsigigaluarpalluunniit kalaallit meerartaasa ajornartorsiutaat soqutigisorujussuuakka.
Midtjyllands Avis taama allappoq.
Taamaattumik Dansk Folkehjælpimi ambassadørit allat suleqatigalugit massakkorpiaq 1 million kroninik katersuiniarpugut kalaallit meerataasa sapaatip akunnera naammatsillugu Danmarkimi feriarnissaannut atorneqartussanik.
Dansk Folkehjælpip immikkoortoqarfii 50-it piumassutsiminnik ikiuuttartunik 3000-it missaanniittunik sulisoqarput, taakkulu ukiut tamaasa suliniaqatigiiffiup ikiorsiiniarnikkut suliniutai ingerlattarpaat.