Vejle Fjordimi arfeq angisooq
tVejle Fjordimi arferujussuaq tipisimagunartoq qatserisartuni serpartarneqarpoq.
Tigaagulliusaaq ulluni kingullerni qallunaat imartaani takuneqartartoq maannakkut Vejle Fjordimi saqqummerpoq.
Qatserisartut qaaqquneqarput arfeq 15 meterinik takissusilik tipisimagunartoq serpartariartorlugu. Siullermik oqaatigineqarpoq arfeq nuanmiit taamaallaat 15-20 meterinik ungasitsigisoq, qatserisartut Ritzauimut oqarput.
Arfeq nukeerussimarpasippoq,Vejle Amts Folkeblad nalunaarpoq. Ibæk Strandvejimit 200 meterinik ungasitsigisumiippoq, sarpinilu aalatilaartarlugu.
Pisimasoq alutorineqaqaaq. Biilit 30 sinneqartut aqquserngup eqqaani unissimapput, Vejle Amts Folkeblad nalunaarpoq.
Piniakkanut siunnersorti aggersarneqarsimavoq.
Arfeq siullermik takuneqarpoq Båring Vigimi Fynip avannamut sineriaani, kingornalu sumiiffinni arlalinni takuneqarluni. Ilaatigut qimuttuitsuni ilaasup Storebæltikkoortilluni arfeq takusimavaa. Aammali qajarissat allallu takusimavaat.