KODA Awards Aasianni ingerlanneqassaaq

KODA 2008-mi nipilersortartunut nersornaasiussai siorna iluatsilluartumik Sisimiuni agguaanneqarput. Nersornaatit aatsaavissuaq Nuummiunngitsoq agguaanneqarlutik, iluatsitsinerlu ingerlateqqillugu KODA massakkut Aasianni agguaassiniarpoq.Si

2009-imi saqqummersitanut nipilersortartunut nersornaatit pingasut KODAp septemberip pingajuanni agguaatissavai. Massakkulli Aasianni Rockfestivalertoqarnersta nalaani.

Nersornaatit tunineqartussamut ataatsimut 20.000 kroninik aningaasartaqassapput.

Nersornaatit pingasut tassaapput:

Erinniortumut/taalliortumut 2009-imi pitsaanerpaamik saqqummersitsisimasumut nersornaat

Erinniortumut, nipilersortartumut nipilersoqatigiinnulluunniit piginnaaneqarluartutut saqqummerlaamut nersornaat.

Nipilersortartumut erinniortartumulluunniit ukiorpassuarni kalaallit nipilersortarnerannik qaffassaaqataalluarsimasumut ataqqinaatitut nersornaat.

KODA Greenland Awardsip nersornaasiisarnerani naliliisartuupput Juaaka Lyberth, siulittaasoq KODA-mit toqqagaasoq, Noah Mølgaard, Sermitsiaq.ag, Niels Kristian Kajussen, KNR, Bjarne Olsen, Nuuk FM, Leif Emmanuelsen, EPI kiisalu Peter Olsen, INNK-ip sinniisaa.

KODA Danmarkimi, Kalaallit Nunaanni Savalimmiuunilu erinniortut, erinarsuusiortartut nipilersukkanillu saqqummersitsisarfiit suleqatigiiffigaat.

Powered by Labrador CMS