Perorsaasunngorniat marloriaatinngulersut
Perorsaanermik Ilinniarfiup Ilulissaniittup allissutissaa tallimanngornermi nappaanersiorneqarpoq.
Perorsaanermik Ilinniarfik maanna ilinniartuutigisartakkami marloriaataanik ilinniartoqarsinnaannngussaaq atuarfiup initai nutaat atulerapata. Atuarfiup initassai tallimanngornermi ualikkut nappaanersiorneqarput najuuttut pølse-llerfigineqarlutillu sodavand-illerfigineqarlutik
Atuarfiup initai katilugit 2.000 kvadratmeterinik angissuseqalissapput taamaasillutik ullumikkumut saniliullutik marloriaammi inissaqarnerulissallutik.
– Tassa imaappoq ukiut perorsaasunngorniatut aallartittartut marloriaatinngorsinnaanngussasut. Ilinniartut nutaat augustimi januarimilu aallartittalissapput taamaasillutik katillutik ilinniartut nutaat 44-uusalissallutik, taama sermitsiaq.ag-mut oqarpoq Perorsaanermik Ilinniarfimmi rektori Nuka Kleemann.
Ilinniartut ineqarfissaat nutaat sananeqartut aamma ungasinngitsukkut naammasissapput. Kollegiani nutaani inissiat 30-iussapput ineeqqallu kisermaattarissat 20-iussallutik.