Aasami feriarlutik hashi misileqqaartarpaat
Inuusuttut hashimik misiliisimasut amerlanersaat aasami feriarnerup nalaani taamaaliortarput.
Qaammatini marlunni ilinniagassaqanngittussanngoraangamik, seqinnileraangat, katerisimaartaleeraangamillu inusuttut hashimik pujortaattalersarput.
Tassa USA-mi Danmarkimilu. Kalaallit Nunaanni aamma taamaagunarpoq, tassani hashi akisunerullunilu pissarsiaruminaannerugaluarpalluunniit.
Amerikami peqqinnissamut qullersaqarfiup misissuinerani erserpoq, amerikamiut inuututtut 40 procentii aasap ingerlanerani hashimik pujortarnermik misileerngaartartut.
Danmarkimi aamma taamaattarput, Morten Hesse, Aarhus Universitetip Center for Rusmiddelforskningiani lektoriusoq metroXpress-imut oqatpoq.
– Isumaqarpunga inuusuttut ilaasa taamaalillutik ulluinnaat festernerlu immikkoortittaraat. Atuartussaagaangamik ulluinnarnilu hashimik pujortarneq ajorput. Nalunnginnamikku hashi sivisuumik qaratsamut sunniusimasartoq feriarnerminni aatsaat misilittarpat, nassuiaalluni oqarpoq.
Qallunaat 16-20-nik ukiullit akornrnni nukappiaqqat 39 procentii hashimik pujortarnermik misiliisimasarput, niviarsiaqqallu 28 procentii.
Kisitsisit ukiuni kingullerni taakkuujuarsimapput, taamaattumik ilimanarpoq inuusuttut aanngajaarutinik atuisarnerannik akiuiniarneq sunniuteqarsimanngitsoq, Morten Hesse isumaqarpoq.
– Cannabis ajornartorsiutaasorujussuuvoq, atugaasorujussuugami, metroXpressimut oqarpoq nangillunilu: