Canadami nuna sajuppoq

Canadap kangisissortaa qaqutigoorluinnarumik nunap sajunneranit eqqugaammat illut sajuppilullutillu qarmat qulloortiterput.

Pingasunngornermi nunap sajunnera Canadap kangisinnerusortaani malunnarneruvoq. Nuna sajulermat Ottawami Montrealimilu najugallit aqqusinernut aniapput, ajoqusernerilli inuillu ajoquserneri annikitsuinnaapput.

USA-mi Geologiske Institutip nunap sajunnera 5,5 Richterimik sakkortussuseqarsimanerarpaa, nunallu immikkoortui Ontario aamma Quebec sakkortunerpaaffiusimanerarlugit.

Nutaarsiassaqartitsivimmi AFP-mi tusagassiortut allaffiit iigaat sekundtini arlalinni sajuppilussimanerarpaat. Ilaatigullu iikkanik qupusoqartarsimavoq. Inuit ilaat annilaarsimagaluarput, ajoqusersimanatilli.

James Bowden Ottawami neriniartarfiup Sparks Streetimiittup silataaniittoq nunap sajunnera nalliutilivissorlu tusaasimallugu oqarpoq.

– Soorlimi tassa qimuttuitsut usisaatit tikiutilerataallartut, Bowden oqarpoq.

Powered by Labrador CMS