IWC-mi isumaqatigiinniarnerit isasoorput
Arfernik aningisuunik pisaqarnissap isumaqatigiissutiginiarneqarnera isasoorpoq.
Arfernik angisuunik pisaqarsinnaanissamut isumaqatigiissut nutaaq pigaluttualinngiaq, dr.dk allappoq.
Island, Norge aamma Japan arfernik ikinnerusunik pisaqarusunngillat. Tassaavoq nunat 88-it akornanni nunarsuaq tamakkerlugu arfanniarsinnaanermut ataatsimiititaliarsuarmi ullut marluk ataatsimiinnerup inerneri.
- Nunat tunngaviatigut isiginnittaasiat imminnut ungaseqaaq, ataatsimiititaliarsuup siulittaasua Anthony Liverpool oqarpoq.
Naapigiaasoqassanngilaq
Naalagaaffiit 88-it isumaqatigiinniarnerni peqataasut niuerniutigalugu arfanniarnissamut tunngatillugu maleruagassat ukiunik 25-inik pisoqaassuseqartut qasukkarniarlugit isumaqatigiinniaraluarput. Qasukkaanissamut taarsiullugu nunarsuarmi nunat arfanniat pingasut arfernik ikinnerusumik pisaqarsinnaanissartik neqeroorutigaat. Tassalu Island, Norge aamma Japan ukiut tamaasa arfernik 1.500-nik pisaqartartut, taakkunanngalu Japanip amerlanerit pisarisarlugit.