Issittuni entreprenøritut naammassisut siulliit
Sanaartornermik Ilinniarfimmi Sisimiuniittumi ilinniarnerminnik naammassinnittut.
Issittuni entreprenøritut naammassisut ukiuni 6-10-ni kingullerni Kalaallit Nunaanni Danmarkimilu assigiinngitsunik sammisaqartarlutik ilinniarsimapput, entreprenøritut, qaartiterisartutut, maskinalerisartutut, maskinarsuarnik ingerlatsisartutut, nunagissaasartutut, suliassanillu aaqqissuussisartutut issittunut naleqqussakkanik pikkorissartarlutik, ilinniarfiup pisortaata tillia Knud Niss nassuiaavoq:
Ilinniakkaminnik naammassinnittut arfineq pingasut tassaapput:
Steffen Eriksen, Ilulissat, Knud Ramsøe Petersen, Aasiaat, Ole Frederiksen, Aasiaat, Jens Peter Josefsen, Maniitsoq, Josef Goliathsen, Maniitsoq, Søren Sommer, Maniitsoq, Hanseraq Kleist, Nuuk og Ovinnguaq Goliathsen, Nuuk.
Ilinniarfiup naatsorsuutigaa ukiut marlussuit ingerlanerini suli 60 aamma 100-nik naammassisoqaqqikkumaartoq.