Akileraarneq ajortunut innersuussineq kinguneqartinneqassanngilaq
Kommuneqarfik Sermersuumi meeqqerisunut akileraarneq ajortunut innersuussisarneq ajuusaarutigineqarpoq.
Annonse
Ajuusaartoqarpoq, kinguneqartitsisoqassanngilarli.
Taama Kommuneqarfik Sermersooq naliliivoq, kommunimi sulisut meeqqerisunut aileraarneq ajortunut innersuussisarsimanerannut atatillugu, KNR nalunaarpoq.
Kommuneqarfik Sermersuumi pisortaanerugallartup Stine Johansenip tamanna naqissuserpaa. Naak kommunimi maleruagassat unioqqutinneqarsimagaluartut.
- Sulisut pineqartut attaveqarfigineqarput pisusslu ilungersunarneranik paasitinneqarlutik. Ajuusaarpunga kommuni sulisut meeqqanik paarsisartunut taamaattunut akuersissuteqanngitsunut innersuussisarsimammata. Tamanna akuersaarneqarsinnaanngilaq, Stine Johansenip KNR-imut erseqqissarpaa. .