KNR aallakaatitsinissamut piareerpoq
ICC-p ataatsimeersuarnerani juunip 28-aniit juulip 2-anut toqqaannartumik KNR TV aamma KNR Radio aallakaatitsissapput.
Ukioq manna ataatsimeersuarneq annertooq ICC-p ataatsimeersuarnera juunip ulluini kingullerni aallartittussaq juulillu ulluini siullerni naammassisussaq ingerlanneqalerpat KNR ullut tamaasa toqqaannertumik radiukkut tv-kullu aallakatitsissaaq.
- Taassuma saniatigut KNR TV unnuit tamaasa nal. 19.30 kalaallisut nutaarsiassaqartitsissaaq minutsinik qulinik sivisutigisumik, taama tusagassiuutitigut nalunaarummi nalunaarpoq KNR.
Unnukkut aliikkusersuinerit tassaasut tusarnaartitsinerit kulturikkullu aallakaatitat Nuummi Illorsuaq Timersortarfimmi ingerlanneqassapput ataasinngornermi, marlunngornermi, sisamanngornermi tallimanngornermilu. Pingasunngorneri Hans Egedep Oqaluffiani tusarnaartitsisoqassaaq. Unnukkut aliikkusersuinerit tamarmik toqqaannartumik aamma KNR TV-kut KNR Radiukkullu aallakaatinneqartassapput.
Tv-streaming tuluttut oqaasertaqartoq ICC-p nittartagaani inuit.org -mi malinnaavigineqarsinnaavoq.