Narsami toqoraavissaq eqqartorneqartoq
Inatsisartuni aalisarnermut inuutissarsiornermullu ataatsimiititaliaq nunatta kujataani siunissami periarfissanik misissuipput.
Kujataani pissutsit ilorraap tungaanut saatinniarlugit Inatsisartuni aalisarnermut inuutissarsiornermullu ataatsimiititaliaq nunatta kujataani paasisassarsiorluni angalaarpoq.
Qulequttat arlaqartut eqqartorneqarput. Ilaatigut Narsami toqoraavik uumasunut arlaqartunut atorneqarsinnasoq, kujataatalu nammineq pilersulernissamut pingaaruteqassusia.
- Nunatta kujataani suliffissaaleqineq annertoqaaq, ingammik ukiup qanoq ilinera apeqqutaatillugu suliffissaaleqilertarneq annertoqaaq. Tamanna sukumiisumik eqqartorneqarpoq, soorlu aamma Nanortalimmi inuutissarsiornermi aalisarnermilu unammilligassat sammineqarput, tusagassiuutitigut nalunaarummi allassimavoq.
Naalakkersuinermik suliallit ilaatigutQaqortumi narsamilu suliffeqarfiit arlaqartut pulaarpaat, soorlu Royal Greenland, Narsaq Seafood, Neqi, INUILI, GMS, aalisarnermi misileraavik Upernarviasummiittoq kiisalu Narsap Iluani aalisartoq nersussuaatilillu Sofus Frederiksen pulaarneqarluni. Aamma aalisartut piniartullu, Nunalerinermut ataatsimiititaliaq Narsami Qaqortumilu Erhvervsforum ataatsimeeqatigineqarput.
Inatsisartunut ilaasortanit kommunimilu inuutissarsiornermut suliffeqarnermullu ataatsimiititaliat ataatsimiinnerit iluatsittutut nalilarpaat.