Fifap målimi assiliivik atulissavaa
Nunarsuarmi isikkamik arsarluni ottedelsfinalimi unamminerni aalajangiinerit marluk nalorninartullit pereersullu, Fifami præsidenti Sepp Blatter målimi assiliiveqalernissaanik aalajangiivoq.
Nunanut allanut unammisartut sungiusaasuata Morten Olsenip taammaattoqarnissaa kissaatigaa, maannakkullu nunarsuarmi isikkamik arsarnermi kattuffiup (Fifa) præsidentiata Sepp Blatterip nunat tamat akornanni unamminerni målini assiliivik atortussaalersippaa.
Blatterip taama nalunaarnera pivoq Sydafrikami VM-eqarnerani aalajangiinerit marluk aaqqiagiinngissutaaqisut pereersullu: Tuluit Nunaata ottendedelsfinalimi Tysklandimut ajuunnera atortussaatinneqanngilaq, arsap titarnerup iluanut isertoq, akerlianillu Arngentina ottededelsfinalimi Mexicomut unamminerminni offsiderlutik isertitat akuerineqarluni.
- Maannamut VM-imi ajugaaniutivinnernit misilittakkat takutippaat, målini teknologip nutaap atulernissaa pisariaqalersoq, Blatteri oqarpoq, aammalu Tuluit Nunaannut Mexicomullu utoqqatserluni, taakku VM-imi ottedelsfinalini unamminernerminni ajorsarnerannut.
Fifami præsidentip målini assiliiveqalernissaanik qallunaat sungiusaasuanik akuersaartitsiniarnera ajornassagunanngilaq. Morten Olsenip oqaatigaa Fifap målini teknologi nutaaq atulereersimanngimmagu sussaanngitsoq.
- Målini assiliiviit dommerinut iluaqutaassapput, tamanullu iluaqutaalerumaarlutik, nunanut allanut sungiusaasoq Ekstra Bladetimut oqarpoq.