Danmarkimi panissaarsinnaalerput
Qallunaat aamma panitik »Panik« atsersinnaalerpaat. Ateq taanna aterineqarsinnaasutut akuersissutigineqarsimavoq.
Annonse
Panik kalaallisut panimmik isumaqarpoq.
Jesus aamma Danmarkimit tikiussimavoq, taamatullu aamma Panik, Paprica aamma Papaya, sulili atorsinnaanngillat Monkey aamma Batman, Berlingske Tidende arfininngormat allappoq.
Københavns Universitetimi lektori aternik ilisimatooq Michael Lerche Nielsen aternik akuersissutiginnittarnermut malinnaavoq. Malugisimavaa Familiestyrelsen ullumikkut nukappiaqqat niviarsiaqqallu aqqinik 22.000-ingajannik allattugaateqartoq, taakkuli 2005-imi taamaallaat 7.000-it missaanniissimagaluartut.
– Malittarisassat qasunganerulersimapput. Aqqit eqqumiippallaat kisimik naaggaarneqartarput, aternik ilisimatooq Berlingskemut oqarpoq. Ateq alla naaggaarluinnarneqarsiasoq tassaavoq Analia.