Issittumi uuliasiorluni qillerinissat kinguartinneqarput
USA-mi naalakkersuisut issittup imartaani uuliasiorluni qillerinissat aappaagumut kingunartinnissaat ilimagineqarpoq.
USA-p præsidentia Barack Obama sulisuisalu issittup imartaani uuliasiorluni qillernissaat 2011-mut kingunartinneqarnissaat pillugu sisamanngorpat nalunaaruteqarnissaat ilimagineqarpoq.
Taama nalunaarummi oqarpoq Mark Begich Alaskami senatori.
Senatori oqarpoq Washingtonimi nunap iluani pissutsinut naalakkersuisoqarfimmit ilisimatinneqarsimalluni Obamap sulisuisa Issittup imartaani uuliasiornissaq pillugu qinnuteqaatit suliarinissaat 2011-mut kinguartinniaraat, ritzau allappoq.
Aviisi Alaska Dispatch nittartakkamini allappoq, uulisiorfissuaq Shell aasap ingerlanerani Alaskap eqqaani uuliasiorluni tallimanik qillerinissaminik neriuuteqarsimagaluartoq.
Taamatut kinguartitsineq pivoq Mexicop kangerliumarngani uuliamik ajutoortoqarujussuarnerani.
Senatorili Begich isumaqarpoq Issittumi uuliamik qillerinerit kingunartinnissaat kukkunerusoq.
- Mexicop kangerliumarngani ajutoornersuup takutippaa, uuliasiorfiit immap naqqani uuliasiortut nakkutigineqarnerunissaat akisussaassuseqarnernissaallu pisariaqartoq, senatori oqarpoq nangillunilu:
- Washingtonimiiilli piumasaqarfigineqarnermi kingorna Shellip pilersaarutini naleqqussarsimavai Mexicollu kangerliumarngani pisut aallaavigalugit annertuunik aningaasaliisimalluni, senatori oqarpoq.
Ajutoornersuup USA-mi præsentip qiterut isumannaallisaat ikkukka taamaattoq naalakkersuinikkut akuliuttoqarnianngilaq, maani nunatsinni aasaanerani uuliasiorluni qillerinissat eqqarsaatigalugit. Maani suli pilersaarutaavoq Skotlandimiut uuliasiorfiata ilimaneqarpianngitsup Cairn Energyp nunatta kitaata imartaani uuliasiorluni qillernerit arlallit ingerlannissaat.