Maaji peqqinnartuutiguk hocheytarfimmi
Ippassaq Nuummi inuit 50-it missaat Maaji Peqqissuutigumi aaqqissuussami peqataapput. Qaaqqusaq immikkut ittoq aamma peqataavoq.
Ippassaq aerobics, arsaq uuttuulllu hocheytarfimmi atorneqarput Nuummi Tinersortarfissuuåp silataani. Seqinneqaaq kiaqalunilu, peqataasullu nuannisaqaat.
- Peqataasut alutorsarluinnarput, seqinnareqisumilu timigissarneq nuannareqaat, Jesper Olesen Maaji peqqissutigumi aaqqissueqataasoq oqaluttuarpoq.
Immikkut ittumik qaaqqusaq aamma peqataavoq, tassalu nunarsuarmi ammallorissumik nalutsillaqqinnerpaaq Joachim B. Olsen. Ilaatigut Vild med dansimi peqataasimanini ilisimaneqaatigaa. Maannakkut Nuummiippoq, sungiusarneq sungiusarusussuserlu pillugit oqalugiarluni.
- Aqagu naluttarfik Malik unnuaq naallugu ammassaaq, inuit aggiassappata, Jesper Olesen oqaluttuarpoq.
Pilersaarutaavoq naluttarfiup akunenrni 24-ni ammanissaaq, tallimanngornermi nalunaaqutaq 22.00-miit arfininngornermi unnukkut nalunaaqutaq 22.00-mut.