Sanami ikuallattoq

Dronning Ingridip napparsimavissuani illuaraq puortartarfik unnuaq nungulluni ikuallappoq. Inneq illorsuup qalianut tuniluuppoq errorsisarfimmullu anngulluni aseruerujussuarluni.

Nuummi politiit ikuallannermik nalunaarfigineqarput nalunaaqutaq 00.20.

- Ikuallannermut suna peqqutaanersoq suli paasinngilarput, ikuallannerli pujortartarfimmi aallartissimavoq, taannalu nungulluni ikuallappoq. Ikuallanneq illorsuup qalianut tuniluuppoq errorsisarfimmullu, Nuup politiiviniit politikommissær Niels Nyvang oqarpoq.

Qatserisartut unnuaq naallugu qamiteripput, innerlu akunnerit arfinillit qaangiummata aatsaat qaminneqarpoq.

- Suna peqqutigalugu ikuallattoqarsimanersoq suli naluarput. Tamanna teknikkikkut misissuinermi paasineqassaaq. Nalunngilarput pujortartarfiup eqqaani meeqqat pinnguartartut sigaritsikunik pujortarlutik, tamanna arlaleriarluta takusarparput. Ikuallannermilu meeqqat pisuunersut oqaatigisinnaanngilarput. Imaassinnaavoq arsakoorfik ulikkaartorsimasoq, sigaritsikullu qaminngitsoornerani ikuallassimassalluni, Niels Nyvang oqarpoq.

Ikuallanneq errorsisarfimmi akornusiingaatsiarpoq. Pujortartarfiup ikuallanneratigut tamanna napparsimmavimmut tuniluuppoq, qaliaq ikuallalerluni errorsisarfimmullu anngulluni. Errorsisarfimmi akornusiingaatsiarpoq.

Inuit qulit napparsimasut inaannittut unnuaq akunnittarfimmut nuunneqartariaqarsimapput.