Kalaallit illuutaanut aningaasarpassuarnik tunissut
Nunarsuarmi containerinik umiarsuaatileqatigiit annersaat A. P. Møller Københavnimi Kalaallit Illuutaanut 2 million kroninik tunissuteqarpoq.
Annonse
Kalaallit Illuutaata isaariaa qangali aserfallassimaqaaq, maannakkulli eqqumiitsuliortunit marlunnit kusassarneqaleruttorpoq. Tassungali killeqassanngilaq. Allatigut pitsanngorsaanissaq aamma pilersaaruteqarpoq, pisortaasoq Inger Bruun nuannaarluni oqaluttuarpoq.
- Nalunaarfigineqaqqammerpugut A.P. Møllerip qinnuteqaaterput akuerisimagaa, illullu aqqusinermut saqqaata iluarsaannissaannut kiisalu illup iluani iluarsaasinissamut 2 million kroninik aningaasaliiffigaluta. Iluaquserneqartussat tassaginnassanngillat atuisut sulisullu. Aamma kusassarnissaa eqqumiitsuliornikkut suliassaavoq.
- Tamannalu kalaallinut eqqumiitsuliortunut neqeroorutigissavarput, tamannalu unammisitsinerup kingorna suliassiissutigineqassaaq, Inger Bruun oqarpoq.