Illu nukimmik atuinikitsoq ussiippoq
Sisimiunit illu nukimmik atuinikitsoq siulleq ima ussiitsigaaq, sananeqarnerminiit ukiut tallimat qaangiunnerisigut pilersaarutaasumiit marloriaammik nukimmik atuisimalluni.
Ukiut tallimat matuma siornatigut nunatsinni illu nukimmik atuinikitsoq siulleq sananeqarpoq. Illuni pakatsiffioqaaq. Pilersaarutaasumiit marloriaannik nukinnik atuivoq. Taama Ingerniøren allappoq.
Illumik nukimmik atuinikitsumik sananerup siunertaraa takutinniarlugu issittumik nutaaliamik illuliortoqarsinnaasoq nukimmik atuinikutsumik, illumit nalinginnaasumit affaannarmik atuiffiusumik.
Illumik taamaattumik sananikkut siunertaasimavoq periutsit nutaat atorlugit Kalaallit Nunaanni sanasoqarsinnaasoq takutinniarlugu, oqorsaaneq, nukimmik seqernullu kissaanik tigooraaneq aallaavigalugit.
- Ussiinneranut peqqutavoq Sisimiuni sanasut igalaat allallu atortut ikkunneranni usissaaneq naammassimanngimmat, ilisimatooq Carsten Rode DTU-miit Ingeniørenimut allappoq.
Naak ussiikkaluarluni illu nukimmik atuinikiffiusoq illumit nalinginnaasumit nukimmik atuinikinneruvoq.
Naak illu nukimmik atuinikitoq iluatsilluarsimagaluartoq, Carsten Rode oqarpoq ilinniarfiusimaqisoq. Ingammik pitsaasumik silaannarissarfeqartitsinissap pingaassusia, taamaalilluni soorli iganermi isugutak aniffissaqarluni.
Illumit nukimmik atuinikitsumit misilittakkat Sisimiuni kollegianaliornermi atorneqarput. Tassani seqernup kissaanik tigooraasut nukimmik atuinerup 25 procentia pilersippaat.