Kalaallit Nunaat Australiami
Denmark House Melbournemiittoq aatsitassarsiornikkut ineriartorneq silaannaallu allanngoriartornerani Kalaallit Nunaanni unammisassat pillugit oqaluginarnermi qaaqqusisuuvoq.
Nunarsuarmi qeqertat marluk annersaannik Australiamik aamma Kalaallillu Nunaannik qangali soqutigineqarnermigut Frankrigimiit PhD-mik ilisimatussartoq Damien Degeorges qulequttat taakku pillugit saqqummiivpq silap pissussaanik nukissiuutillu pillugit naalakkersuinikkut soqutigisaqarnerup annerpaaffiani.
- Kalaallit Nunaanni silap pissusaanut politikki anguniakkallu tassaasut nukissuuteqarnermi 60 % erngup nukinganik pisarnissaa tusarnaartunit soqutigineqarluarpoq, Damien Degeorges oqaluttuarpoq.
Siorna nunatsinnut tikeraarpoq Australiami silap pissusaanut ministeri Penny Wong Damien Degeorgesilu naapertorlugu Australiamiut suliffeqarfii arlaqartut Kalaallit Nunaanni periarfissanik soqutigisaqarput.
- Tusarnaartut ilagaat nunatsinnik soqutigisalik qallunaat Melbournermi konsuliat Jan Ravnholt kiisalu Australiamiut marluk sermersuamik qarsutsinikut Kalaallillu Nunaannut angalanerminnik puigorsinnaanngitsut, Damien Degeorges oqaluttuarpoq.
Siorna Kalaallit Nunaat pillugu sila pissusaanik Damarkimi pisortat nittartagaani allaaserisaqarpoq.