Grillerineq saniutinillu agguaassineq
Nuuk Handelstandsforening sivisuumik ammanermik aaqqissuussivoq, niuertarfinnullu torersunut nersornaasiisarlutik.
Tallimanngormat juunip 4-ni 'Nuuk by night' ingerlanneqarpoq niuertarfiitt 20-t peqataaffigisaat. Tassunga atatillugu namminersornerup Katerittarfia Amisut biilinut matuneqarmat aaqqissuussaq taaguuserneqarpoq 'grill by night'.
Katerittarfik Amisut tuniniaavilersorneqarpoq, grillbakkit assigiinngitsut pingasut pisiarineqarsinnaallutik, grillertarfissuarni marlunni sianneqarsinnaasut. Kommuni nerivilersuillunilu issiavilersuisimavoq.
Aqaguani 'Den Gyldne Kost' sanigutit kuultiusut niuertarfimmut saliisimasumut kusassaasimasumullu tunniunneqarpoq.
Arfininngormat ullaap tungaani kommunip pisuinnaat aqquserngat salitsissimavaa, niueqatigiillu peqatigiiffiat innuttaasunut aggiasunut kaffillerlunilu tiillerpoq rundstykkinillu tunioraalluni. Meeqqat pississaartarfiliunneqarput.
Borgmesteri Asii Chemnitz Narup naliliisartullu angalaarlutik niuertarfinnik nalilersuipput
Ukioq manna ajugaasuuvoq niuertarfik Botex H.J.Rinksvejimiittoq, allagartanik pullartanillu pinnersarneqarsimasoq, niuertarfiullu iluani arnat arnaqquassaatut atisallit niuertitsillutik.