Allstars nunatsinnut naleqarluarpoq
Allstarsimi unamminermut atatillugu sammineqarnerujussuakkut Kalaallit Nunaat 20 millioner koruunit nalinginut nittarsaatigineqarpoq.
TV-kut aallakaatitassiat, radiokut, aviisitigut atuagassiatigullu sammineqarnerit kiisalu nettimi allaaserisat.
Julie Berthelsen Allstarsimilu erinarsoqatigiivi TV-2-p nuannarineqartumik erinarsoqatigiinnik unammisitsineranut atatillugu qaammatini kingullerni qallunaat tusagassiorfiini sammineqarluartarsimapput.
Annoncinngorlugit Julie Allstarsikkut manna tikillugu Kalaallit Nunaat 19,5 millioner koruunit nalinginut sammitissimavaat. Taamatut naliliivoq misissuinermik ingerlatsivik Infopaq, taassumalu Kalaallit Nunaanni Takornariaqarnermut Inuussutissarsiornermullu Siunnersuisoqatigiit (GTE) sinnerlugit taakkartorneqarnerup nalinga naatsorsorsimavaa.
TV-kut aallakaatitassiaannaat 9,3 millioner koruuninik naleqarput. Tusagassiorfinni naqitani taakkartorneqarneq, ilaatigut aviisini ullormut saqqummersartuni allaaserisatigut 211-ikkut, 5,3 millioner koruuninik naleqarpoq. Ilanngullugulu nettimi taakkartorneqarnerup nalinga 5 millioner koruuninut nalilerneqarpoq.
Sap.ak. uani Sermitsiaq Unuussutit atuakkit ...