Arnat persuttaanermut akerliupput
Nuummi arnap persuttarneqarluni toqutaanera tunuliaqutaralugu 8. marts-gruppen sisamanngorpat 10. juni akerliullutik ingerlaaqatigiissitsiniarput.
Annonse
Aasinaasiit – nakuuserneq peqqutaalluni Nunatsinni arnaq toquvoq, 8.marts-gruppen allappoq, sapaatiummat arnaq 54-nik ukiulik aapparminit persuttarneqarluni toqutaasoq eqqaallugu.
- Ajoraluartumilli tamanna takornartaanngilaq, tassami arnarpassuit taamatuttaaq atugaqarput, allapput.
Isumaqarput arnat ilaqutariillu amerlavallaat nakuusernermik eqqugaasarput, tamannalu akuerineqarsinnaanngitsoq.
- Angutit naameersinnaatitaapput, arnat naameersinnaatitaapput, meeqqat naameersinnaatitaapput. Nakuuserneq akuerineqarsinnaanngilaq, 8.marts-gruppen allappoq.
Ingerlaaqatigiinneq Katuap silataaniit aallartissaaq nalunaaqutaq 16.00.
8. marts-gruppip sinerissamiittut kajumissaarpaat illoqarfimminni nakuuserneq akiorniarlugu ingerlaaqatigiissitseqqullugit.