Arfeq Danmarkimi tammartajaartoq

- Naatsorsuutigaara Svendborg, Thyge Jensen taamatut oqarpoq danskit imartaanni tikaagulliusaaq tammartajaartoq tullissaani sumi takuneqassanersoq aperineqarami.

Arfernik ilisimatusartut aallussaqartullu allat peqatigalugit hvaler.dk-mi arferit ingerlaarnerat malinnaavigeqqissaarpaa, ukiunilu arlalinni tikaagulliusaat allallu arferit qaqutigoortumik tikeraartartut malinnaavigalugit. Taamatut Ritzaumi allaaserisaqartoqarpoq.

Tikaagulliusaaq siullermik Båring Vigimi Fynip avannamut sineriaani Middelfartip Bogensellu akornanni takuneqarpoq. Kingornatigut sukisaarsaarutigalugu aalisartunit aamma tissiartartunit Kolding Fjordimut ingerlaartoq takuneqarpoq, uterlunilu Lillebæltimi kingornalu kujataani Grydeløbimi aamma Hansebugtimi Fåborgimit fem kilometerinik ungasitsigisumi. Tassa pingasunngormat.

Ukiuni allani tikaagulliusaat amerlanertigut Jyllandimi kangilliup sineriaa malillugu kangerlunnut pulasarpoq. Tamannali tikaagulliusaat nalinginnaasumik uumaffigineq ajorpaat immami ammanerusumi nalinginnaasumik uumasuugamik, uumasunut angisuunut naleqqunnerusumi ammassassuaqarfiusumi, brislingeqarfiusumilu kiisalu aalisakkat mikisut allat uumaffigisartagaanni.

- Tikaagulliusaap taanna allaanerusumik pissusilersorpoq Fynimut imartaaniikkami. Kisianni nalinginnaasumik tammartaraluarput. Piffissallu sivisunngitsup ingerlanerani Polenimiit imaluunniit Tysklandimit paasitinneqartarpugut tamaani nassaarineqartartut sanigorsimaqalutik,Thyge Jensen, Esbjergimi Fiskeri- og Søfartsmuseet-imi museumspædagogitut soraarneq, oqarpoq.

Tikaagulliusaat angalanerisa nalunaarsornerata saniatigut allamik nassuiaatissaqartoqanngilaq sooq danskit imartaannut pisarnersut. Imaluunniit pissutsit qanoq ittut pissutigalugit taamatut ingerlaartarnersut.

- Isumaqarpugut uippakajaartartut. Kisianni immikkut ilisimasaleqaranilu aamma ilisimasakitsoqanngilaq tassani. Tamatta ilisimasakitsuuvugut, Thyge Jensen oqarpoq.