Immami pisuussutit ataatsimut aqunneqassappat?
Pisaassat, killeqarfiit immamilu pisuussutit marlunngormat nunat avannarliit killiit aalisarnermut naalakkersuisuisa ataatsimiinneranni eqqartorneqartut qulequtaat.
Nunat avannarliit killiit aalisarnermut naalakkersuisuisa ataatsimiinnertik ullumi naggaserpaat, ataatsimiinerup ulluata aappaani nunani avannarlerni killerni aalisarnikkut aqutsinermi periutsit pillugit Nunat Avannarliit Killiit siunnersuisoqatigiivisa atorfilittaasa ilisimatuullu oqalugiaataat tusarnaareerlugit.
”Taamatut ingerlasoqaannarnissaa periarfissaanngilaq. Suliap nanginnissaanik nunani taakkunani naalakkersuisut aalajangiisussapput. Maannangaaq naaperiarfissamik pitsaasumik nassaartoqarsinnaanera upperisapalaassaaq, ataatsimoorlutali aqutsinissatsinnut periutsinik nassaarinnaagutta, taava uani ataatsimeersuarnermi angusaqarluassagaluarpugut. Inatsisartut siulittaasuat Nunanilu Avannarlerni Killerni siunenrsuisooqatigiit siulittaasuat Josef Motzfeldt erseqqissaavoq, nunat avannarliit killiit ataatsimiinenranni ulup aappassaani naggataajusumilu oqallinnerit naggaserneranni.
Oqallinneq ilaatigut aalisarnerup iluani nunat taakku aqutsinerannik eqqartuiffiuvoq. Savalimmiuni soorlu aalisarnermut ulloqarpoq, inunnullu ataasiakkaanut ataatsimoorussamillu pisassiisoqartarluni, kissaatigineqarporli Nunani avannarlerni killerni tuniniaaviik ammarneqartuuppat.
Islandimi nutaamik aalisarnermut inatsisiliornissaq kissaatigineqarpoq.
- Aamma pitsaassagarluarpoq nunat avannarliit killiit pissussutinut ataatsimoorussanut assigiinnerusumik aqutseriaaseqartuuppata, isumaqatigiinniarnerimmi ilaanni inuutissarsiornikkut soqutigisat imminnut aporaateriaannaapput, Ane Hansen aalisarnermut Naalakkersuisoq oqarpoq.
Josef Motzfeldt ataatsimeersuarneq naggaserlugu oqarpoq, nunat avannarliit killiit siunnersuisoqatigiivisa siulittaasoqarfiata ataatsimiinnermi eqqartukkanit ilisimasat katersussagaat, nunallu avannarliit killiit siunnersuisoqatigiivisa aggustip naanerani Tasiilami ukiumoortumik ataatsimiinnerminni eqqartoqqikkumaaraat:
- Nunatsinni inuiaqatigiit patajaatumik ineriartornissaannut aalisarnermik inuutissarniorneq peqqissoq tunngavissaavoq.
Kalaallit aallartitaat Savalimmiunut ingerlaqqissapput Nunat Avannarliit siunnersuisoqatigiivisa ataatsimiinneranni peqataajartorlutik. Ataatsimiinnermi tassani Nordisk Ministerråd suleqatigalugu aaqqissuunneqarluni isumasioqatigiinneq qulequtaqarpoq "Pisinnaatitaaffiit tunngavigalugit aallisarneq inuiaqatigiit iluaqutissaat siunertaralugu".