Qeqertarsuup Tunuani maqaasineqartoq ujarneqarpoq
Qeqertarsuup Tunuani inummik maqaasineqartumik ujarlernermi Kangilinnguani Sakkutooqarfiup timmisartua Challenge ujarleqataavoq.
Arfininngormat maajip aallaqqaataani Qeqertarsuup Tunuani Kitsissunnguanit 10 sømilit missaannik avannarpasitsigisumi umiatsiaaraq inoqarani tissukartoq nassaarineqarpoq. Inuk periarfeerunneqartoq Ilulissani politiinit sukkasuumik ujaarineqalerpoq.
Timmisartup Challengerip umiatsiaaqqap sumiiffiata nunaqarfiullu Ilimanap akornat ujaasiffigaa. Aamma helikopteri Air Greenlandimeersoq umiarsuillu tamaaniittut ujaaseqataapput.
Tamaanili sikoqarnerujussua pissutigalugu ujaasineq ajornakusoorsimaqaaq, forsvaret.gl allappoq.
Suunersoq tissukartoq, immaqa umiatsiaaqqameersoq, nassaarineqarmat ujaasiffik allamut nuunneqarpoq sivitsorneqarlunilu. Kinguneqanngitsumilli.
Inuk ujaarineqartoq suli nassaarineqanngilaq.