Illoqqortoormiuni angalaqatigiinneq sakkortooq
Bogø Kostskolemi 8. klassit Tunumi sapaatip akunnerani ataatsimi tv-kut aallakaatitassiarineqassapput.
Danmarkimiit Bogø Kostskolemi klassimi ataatsimi atuartut Illoqqortoormiunut tikipput, tassani sapaatip akunnerani sakkortuumik angalaqatigiissallutik. Klassi Verdensnaturfondenimit Codanimillu silaannaap pissusaanut tunngatillugu klassitut pitsaanerpaatut toqqagaapput, akissarsiaallu tassaavoq sakkortuumik angalaaqatigiinnissaq.
TV2 aamma Bubber tv-kut aallakaatitassiussapput, atuartullu peqquneqarput piviusorpalaarniassagamik tarnguteqaqqunagit.
– Tv-kut aallakaatitassiarineqartussaagamik kusassarniaraluarput, ilinniartitsisuat Mikael Franks Politikenimut oqarpoq.
Maannakkorpiaq atuartut Hurry Fjordimiipput qimusserlutik, ilaatigut eqalunniarlutik qissattassallutik, eqalussuarniat qarsorsai puisip neqaanik neqitsertassallugit piniartut peqatigalugit. Ataasinngorpat qisummit 13-nit Qinngaaivamut tikissaapput tassani unnuissallutik, marlunngornermilu Illoqqortoormiunut utissapput grillissalutillu, Karin Bernlov Nanu Travelimiit sermitsiaq.ag-mut oqarpoq.