Aviisit amigartoorujussuartut
Sermitsiaq AG-lu ukiumut 2009-mut katillugit 6,6 million kroninik amigartoorput.
Amigartoornerup ilarujussua tassavoq kattunnermut atatillugu soraarnernut allanngortiterinernullu immikkut ittunik ingerlatsinermut aningaasartuutit, allaffissornikkut aaqqissuisuuneq Poul Krarup oqarpoq.
– Aviiseqarnikkut ingerlanerliortqarnanut tamanna takussutissaavoq, tamannalu aggustimi pivoq aviisillu nuna tamakkerlugu saqqummersartut eqqorneqarlutik, ukiumi qaammatini kingullerni tallimani kaaviaatitat 500.000 aamma 800.000 kornit akornanni ikileriarlutik, Poul Krarup oqarpoq.
Kaaviaartitat ikiliartornerisa kingunerisaanik oktobarimi aviisit aqutsisuisa aalajangerpaat, januaarip aallaqqaataaniit aviisit kattunneqassasut.
– Ingerlanerliorneq inuttut aningaasaqarnikkullu akisoqaaq. Sulisut pikkorissut arlallit inuulluaqqusariaqarsimavagut, Poul Krarup oqarpoq.
Aningaasaqarnikkut ingerlanerliornerup kingunerisaanik aviisit marluk katillugit sulisut 15-it soraarsittariaqarsimavaat.
Aviisilli siunissaat qaamaneruleriartorpoq.
– Qaammatit siulliit pingasut pitsaasumik angusaqarfiupput. Taassuma naqissuserpaa kattunnissamik aalajangiineq eqqortuliornerusimasoq, Poul Krarup oqarpoq.