Nunatsinni internetimi rekordiliisoq

Tusagassaqartitisiviup Sermitsiaq.AG -p internetimi rekordiliineq nalliussivaa nittartakkap www.Sermitsiaq.AG -p nutarteqqinneranik.

Apriilimi www.Sermitsiaq.AG -mut 93.000 missaaniittut takuniaasimapput. Taamaalilluni nunatsinni rekordiusoq 10.000-nik qaangerneqarluni, tassalu siorna aasakkut namminersulernerupeqqunneqarneranut tunngatillugurekordiliinerusoq.

Agguaqatigiissillugu Sermitsiaq.AG-mi atuartartut nittartagaq qaammamut 200-roriarlutik takuniartarpaat. Tassalu imaappoq atuartartartut ataasiakkaat agguaqatigiissillugu ullormi nalinginnaasumi nittartagaq arfinileriarlutik takuniartarlugu. Takuniaasartut amerlanersaat nunatsinneersuupput, kisianni aamma Kalaallit Nunaat nunatsinniillu nutaarsiassat Danmarkimi, Norgemi, Sverigemi, Islandimi nunarsuarmilu nunani allani 110-usuni soqutigineqartupilussuupput.

Ukioq manna apriilip ingerlanerani kalaallit atuartartut 366.968-eriarlutik nittartagaq Sermitsiaq.AG iserfigisimavaat, Google Analyticsilu naapertorlugu qunenrnerit 1,4 milliardiniit amerlanerit nittartakkani takuneqarsimapput.

www.Sermitsiaq.AG nunatsinni nittartakkanut allanut naleqiqutissagaanni tullersortimut ungaseqaaq. TrafficEstimate.com naapertorlugu Sermitsiaq.AG tassaavoq assersuutigalugu nutaarsiassaqartitsivimmiit pisortaniit pigineqartumiit www.knr.gl-miit marloriaat sinnerlugu takuniarneqartigaaq.

Ukiut nikinneraniilli www.Sermitsiaq.AG AG-Atuagagdliutinit Sermitsiamillu ataatsimoorullugu nittartagaalerpoq. Maannakkut aamma Nuuk Ugeavis, Arnanut, Suluk allallu tusagassiuutitigut suliassat kiffartuussinerillu tassani takussutissaqalerput, sorlu takuniarneqarnerpaavoq suliffissarsiortarfik nunatsinnut tamarmut atuuttoq Sermitsiaq.AG JOB.

Qaammatit kingulliit tallimat ingerlaneranni tusagassaqartitsivimmi suleqatigiiaanit Islandimi Danmarkimilu tusagassiuteqarnikkut pikkorinnerpaat qanittumik suleqatigineqarput www.Sermitsiaq.AG nittartakkatut nutaatut ineriartortinniarlugu.

Powered by Labrador CMS