Atornerluinani inuuneq
KNR-ip inuusuttunut aallkaatitassiaata pinngitsuisinnaajunnaarneq sammissavaa.
Ajornanngitsunnguamik atornerluisoqalersinnaasarpoq. Atornerluinerup qimanniarnissaa ajornartaqaaq. Inuit ilaat qanoq-una ilillutik atornerluinertik qimanniarsinnaasaraat?
Apeqqut taanna aallakaatitassiami 'Oqarimmi' sisamanngorpat sammineqassaaq.
Aaqqissuisut naapertorlugit inuusuttut 18-it 25-illu akornanni ukiullit amerliartuinnartut atornerluiartulernertik unitsinniarlugu ikiortissarsiortarput.
KNR TV-p inuusuttorsiutaata Oqarip arfernanni atornerluinermik sammisaqarpoq.
Pilutaq Chemnitz ukiorpassuarni hashimik atornerluisuusimasoq pulaarneqarpoq. Taassuma atornerluisut allat taamaatinnissaannik isumassarsitinniarlugit maanna oqalugiartarpoq.
TV-kkut aallakaatitaq kalaallisuujuvoq minutsinillu 40-nik sivisussuseqarluni. Aallakaatitap kingorna tusarnaartartut sianerlutik oqaaseqarsinnaapput nal. 22.55 KNR Radio toqqaannartumik aallakaatitsilerpat.
Oqarit sisamanngornermi maajip arfernani nal. 22.00 aallakaatinneqassaaq.