Allatut ittuuneq ajunngilaq
Suiaaqatiminnik atoqateqartartut Gay Pridemik aaqqissuussipput oqariartuutiginiarlugu allatut ittuuneq ajunngitsuusoq.
- Allatut ittuuneq ajunngilaq, Gay Pridemi aaqqissuisoq Nuka Bisgaard oqarpoq.
- Inuit pitsaanerusumik silaannaqarnissaat anguniarparput, Lu Berthelsen aamma Gay Pridemi aaqqissueqataasoq oqapoq.
Gay Pride sapaatip akunnerats tulliani maajiå 15-ani Katuami ingerlanneqassaaq. Ikinngutigiit initaanni qalugiartoqassaaq qallisissiisoqarlunilu tasaappullu Nuka Bisgaard, Lu Berthelsen aamma 'Spring us'-gruppe Danmarkimeersoq.
Kingorna Katuamiit katuamut ingerlaaqatigiittoqassaaq nersuaqatigiinnermik, takutitsinernik nipilersornermik imigassamillu sassaalliinermi Katuaq isaariaani pisoqassaaq.
- Gay Pride tamanut neqeroorutaavoq suiaaqatiminnik atoqateqartartunut tapersersuerusuttunut, soorlu ilaquttat, ikinngutit allatullu tapersersuisut, qanorluunniit ittumik atoqateqariaaseqarunik imaluunniit suiaaqatiminnik atoqateqartarnerminnik suli isertuussisut, Kikkut tamarmik tikilluaqqusaapput, Katuaq tusagassiuutitigut nalunaarummi allappoq.