Arsakut qullaassimasut peqqutigalugit Keflavikimut timmisartortoqarsinnaanngilaq
Air Greenlandip arfininngorpat Keflavikimut timminissaq siulleq sapaatiuppamut kinguartippaa.
- Islandimi qaqqap innermik anitsisartup Eyfjallajökullip nutaamik arsakut qullaattut nunatta Islandillu akornaniilissapput, ilimagineqarporlu Keflavikip mittarfia matoqqassasoq arfininngorpamiit nalunaaqutaq 12-miit akunnerit tulliit 12.t matoqqassalluni, Air Greenland tusagassiuutitigut nalunaarummini allappoq.
Ilaasussat eqqorneqartussat toqqaannartumik Air Greenlandimit attaveqarfigineqassapput. Ilaaasut nunatta Islandillu akornanni angalasussat sapaatiiuppamut aallartussanngorput.
- Pisut Air Greenlanimit malinnaavigeqqissaarneqarput arfininngorpallu Kulusuliartussat qinnuigaavut nittartakkami paasissutissat nakkutigeqqissaaqqullugit kiisalu Tekst TV. Suli nalunarallarpoq arsakut qullaassimasut aqagu Kulusummiit Klusummullu timmisartornernik eqquissanersut. Kulusummiit Kulusummullu kinguaatortoqassappat ilaasut toqqaannartumik allaveqarfigineqassapput, Air Greenland allappoq.