Arsakut timmisartorneq matuvaat
Kujataa, Tasiilaq Kulusullu arsakumit aniasumit eqqorneqarput.
Arsakut Islandimeersut Kulusuk, Tasiilaq, Narsarsuaq, Narsaq, Qaqortoq Nanortalillu eqqorpaat.
Taamaattumik Nuup Kulusuullu kiisalu Nuup Narsarsuullu akornanni timmisartuussinissat ullumi taamaatiinnarneqarput aammalu Kujataani timmisartuussinerit tamarmik taamaatiinnarneqarlutik. Taamatut paasissutissiivoq Air Greenland.
Nuup Paamiullu akornanni timmisartuussinissat pilersaarutit malillugit nal. 14.15 ingerlanneqassapput. Aamma Nuup, Sisimiut, Aasiaat Ilulissallu akornini timmisartuussinerit pisarnertut ingerlanneqassapput,
Pilersaarutaagallarpoq Nuummit Kulusummut timmisartuussinissaq aqagu sapaammi nal. 9.15 ingerlanneqassasoq, Nuummiillu Keflavikimut sapaammi nal. 9.00 ingerlanneqassasoq.
Nuummit Narsarsuarmut ilaasut Kujataanilu timmisartuussinermi ilaasut ullumi nal. 17.00 toqqaannartumik nalunaarfigineqassapput aqagu sapaammi Kujataanut timmisartuussisoqassanersoq.
- Ilaasussat qinnuigaavut Tekst Tv-kut imaluunniit airgeenland.gl-ikkut malinnaaqqullugit. Imaassinnaavoq sapaatiuppat arsakut suli akornusersuissasut, Air Greenland allappoq.
Tamanna aamma sermitsiaq.AG-p malinnaaffigissavaa.