Nuummi Niuernermik Ilinniarfimmi forstanderi nutaaq
Sakarias Ammndsen maajip aallaqaataani atorfinippoq.
Forstanderi nutaaq Sakarias Amondsen 53-nik ukioqarpoq Købehavnimilu Handelshøjskolimi cand.mercitut ilinniarsimalluni. Qaqortumi Nuummilu Niuernermik Ilinniarfinni sulisarsimavoq.
Aamma nunatsinni inuutissarsiornerup iluani misilittagaqarpoq Nunatta Ammeriviani aningaasaqarnermut pisortaasimalluni. Forstanderitut atorfininnissami tungaanut Sakarias Amondsen Inatsisartut aalisarnermut, eqqissisimatitsinermut, avatangiisinut, kukkunersiuinermut kiisalu attaveqarnermut ineqarnermullu ataatsimiititaliaani allatsitut atorfeqarpoq.
- Nuannaarutigaarput inuk atorfinitsissinnaagatsigu Niuernermik Ilinniarfimmi forstanderitut sulinissaminut piumasaqaatitigut taama tulliartigisoq. Aqutsisoqarfimmiit Sakarias Amondsenimik suleqateqalernissarput qilanaaraarput, taama tusagassiuutitigut nalunaarummi allappoq kultureqarnermut, ilinniartitaanermut, ilisimatusarnermut ilageeqarnermullu aqutsisoqarfik.