'Kaassassuk' titartakkanut nersornaasiuttakkamut innersuunneqarpoq
Christian Rexip Kaassassuk pillugu titartagai meeqqanut titartakkatut pitsaanerpaatut nersorneqartussatut siunnersuutigineqarpoq.
Annonse
Titattakkat nersornaasinissaannut siunnersuuteqartuuvoq Københavns Internationale Tegneseriefestival, Komiks.dk, taannalu ingerlanneqassaaq ulluni 22.-23- maj Københavnimi Øxnehallenimi.
Kaassassuk taama taaguuserneqarnissaminut siunnersuutigineqartut allat sisamat unammisussaavai.
- Neriuutigaarput Kaassassuup nukittoorsuartut unammillertini illuartissagai, tusagassiuutitigut nalunaarummi Lene Therkelsen Milik Puplishingimeersoq allappoq.
Komiks.dk ukioq allortarlugu qallunaat nunanilu allani titartakkat silarsuaannit tikeraarteqartarpoq. Oqalugiarnerit, workshops, oqaloqateqarnerit, atsiortitsinerit, tuniniaaviit, saqqummersitsiviit meeqqanut inuusuttunut inersimasunullu Komiks.dk-imit takutissallugit soqutiginartut aaqqissuunneqartarlutik.