Agnethe Nielsen 85-iliivoq

Ukiut ingerlaneranni Nunatsinni arnat malunnaateqarnerpaat ilaat Narsami borgmesteriusimasoq Agnethe Nielsen ullumi sisamanngornermi majip 13-ianni 85-inik ukioqalerpoq.

Narsami borgmesteriusimasoq, inatsisartunullu ilaasortaasimasoq, Agnethe Nielsen, ullumi sisamanngornermi majip 13-ianni, 85-nik ukioqalerpoq. Ass.: John Rasmussen.

netredaktion (netredaktion@sermitsiaq.ag)

sisamanng 13. maa 2010 11:27

Annonse

Agnethe Nielsen arlalippassuartigut maani inooqatigiinni annertuumik sunniuteqarsimavoq.

Nunatsinni arnat borgmesterit siullersaraat aammali tassaalluni borgmesteri sivisunerpaamik atasimasoq ukiuni 29-ini 1960-imit 1989-imut. Aamma kommunalbestyrelsimut ilaasortaasimavoq ukiuni 34-ini 1955-imit 1989-imut.

Agnethe Nielsen 1981-imi Inatsisartunut Atassummit qinigaavoq. Inatsisartunut ilaasortaavoq 1981-imit 1993-imut aamma 1991-imit 1995-imut.

Agnethe Nielsen Nunatsinni arnanit saqqarmioqarnersaavoq. Ridderkorsimik kuultimik saqqarmioqarpoq, taamatullu Fortjenstmedaljimik aamma Kongelig Belønningsmedaljimik. Kiisalu Nersornaat sølvusumik ataqqinaasigaavoq.

Agnethe Nielsen pillugu allaaserisaq Sermitsiami normu 19-mi atuaruk.

nunatsinnit inuiagatigiit