Jutho nunatsinniit aallarpoq
Tusagassiortoq KNR Kujtaanilu pisortaq, Judith Hard Peilmann, Jutho, uini, psykolog Ernst Peilmann aapparalugu Aalborgimut nuuppoq.
Annonse
Kujataata Radioani Qaqortumiittumi tallimanngormat ualikkut ilasseqatigiittoqarnerani inuit nunatsinni ilisimaneqarluartut marluk, KNR Kujataani pisortaq Judith Hard Peilmann, Jutho, uialu psykolog Ernst Peilmann inuulluaqquneqarput.
Ukiorpassuarni Kalaallit Nunaanni sulereersimallutik aallartussanngorput sapaatillu akunnerata tulliani Aalborgimut nuussallutik. Borgmester Simon Simonsenip tamaasa immikkut Kalaallit Nunaanni sulilluarsimanerat pillugu qutsavigai.
Kalaallit Nunaalli qimavissussanngilaat. Ernstikkut Judithilu suli Narsami illoqarput, neriuppullu siunissami taanna ornillattaartarumaarlugu oqalugiartutigullu nalunanngilaq Aalborgimi najugaqalereeraluarpataluunniit pisinnaasaat suli nunatsinni atorfissaqartinneqartuarumaartut.