Anguteqtiminoortartut Nuummi ingerlaaqatigiittut

Nuuk lægger i morgen lørdag, gader til den første Gay Pride for homoseksuelle i Grønland.

Nunatsinni Gay Pride siulleq arfininngornermi maajip 15-ani nalunaaqutaq 18.00 Katuami aallartissaaq. Assi Spaniamit Gay Pridemeersuuvoq. Assi : Victor R. Caivano, Polfoto.

Aqagu arfininngornermi maajip 15-ani 2010 Nuummi Gay Pride siulleq ingerlanneqassaaq.

Gay Pride aallartillugu Katuami ikinngutigiit ineeraanni narlunaaqutaq 18.00 oqalugiartoqassaaq, tassani Katuami pisortaq Julia Pars tikilluaqqusisuussalluni. Kingorna Nuka Bisgaard aamma Lu Berthelsen kiisalu Danmarkimiit 'Spring ud' (isertuajunnaarlutit) oqalugarlutillu oqallissaarissapput.

Ingerlaaqatigiinneq nammineq pissaaq nalunaaqutaq 20.00-miit 22.00-mut, Katuami aallartillunilu naammassissalluni.

Nalunaaqutaq 22.00-miit peqataasunut 150-nut bilitsisisimasunut nereqatigiittoqassaa, unnuullu ingerlanerani 19-nik ukiulik Nuka Bisgaard 24-nillu ukiulik Lu Berthelsen Violet Gibb-imik taaneqartartoq takutitsissapput. Unnuup sinnera nipilersortoqarlunilu nuutinik nipilersortoqassaaq.

- Gay Pride tamanit peqataaffigineqarsinnaavoq piumasunut suiaqatiminoortartunillu tapersersuisut, soorlu ilaquttat, ikinngutit, tapersersuisullu qanorluunniit atoqateriaaseqaraluartut peqataasinnaapput, aaqqissuisut nalunaarput.

Powered by Labrador CMS