Grazimi kalaallit nerisassaataat
Design Month Graz /Austria qaaqqusisoralugu kalaallit nerisassaataat pillugit Anne Sophie Hardenberg peqatigalugu workshopertoqarpoq.
Kalallit nerisassaataannik atuakkiortartoq kalaallillu akuutissaataannik immikkut ilisimasalik Anne Sofie Hardenberg qanittukkut Østrigime illoqarfimmi Grazimi nunani avannarlerni nerisassanut nutaanut aallartitatut tikeraarpoq workshopertitsiartorluni.
Graz nunpa immikkortuani Styriamiittoq tassaaginnaanngilaq østrigimi nerisassanut tunngatillugu illoqarfiit pingaarnersaat, aammali ilusilersuinermi ullutsinnut naleqquttumi qitiulluni.
Aaqqissuussami 'Design Month Graz' Anne Sophie Hardenberg workshopimi aqutsisuuvoq nerissiassanut imikkortuni foodlinemik taasami.
'Foodline' tassaapput Design Monthip iluani aaqqissuussat assiginngitsut, nerisassanut tungatinneqarput. Ukioq manna sammineqarput nerisassiassat pinngortitallu tunniussinnaasai.
- Workshoppimi peqataasut periarfissinneqarput kalaallit nerisassiassaannit nerisassanik nutaanik tupaallannertunillu pilersitsinissaq, Barbara Tscherne suliniummi Creative Industriesimi Styriamiittumi aqutsisoq oqarpoq.