Taratsut fluorilikkat kigutilunnaveersaatitut
Taratsut nerisassiornermi atorneqartartut fluorimik akusat, aammalu kigutit putoqalernissaannut illersuutitut sunniuttartut, 1. januar 2011-miit atorneqalissasut Naalakkersuisut aalajangiuteqqammerpaat.
Annonse
Taanna suliniutaavoq kigutilunnaaveersaartitsinermut tapersiutitut oqaatigineqartartoq, maannakkullu kigutit peqqissuunissaannut pitsanngorsaatitut suliniutinut ingerlanneqartunut tapersersuutaassaaq.
- Taratsunik iganermi atorneqartartunik fluorimik akusanik atulersitsineq kigutigissaaniarluni sulinermut kigutilunnaveersaartitsiniarnermullu tapertatut isigineqassaaq, suliniutinut ingerlareersunut ilaatinneqarluni. Taratsunik iganermi atorneqartartunik fluoritalinnik atuutsitsisoqalernera, kigutinik putoqarnaveersaartitsineq pillugu nalinginnaasumik innuttaasunut paasititsiniutaasunut matumuuna ilannguppoq, taama Peqqinnissamut Naalakkersuisoq, Agathe Fontain tusagassiutitigut nalunaaruteqarpoq.