KNR isornartorsiuinermut akissuteqarpoq

Kattusseqatigiit Partiiat tunulliunniarneqanngilaq pingasunngormat uani sapaatip akunnerani KNR-ip nunatsinni inissisimaneq pillugu oqallitsitsinerani partiinik tamanik qaaqqutisoqarsimannginnermut atatillugu.

Stina Skifte, KNR, sermitsiaq.gAG.gl-imut allappoq:

...Aallakaatitaq”Oqalliffik”pingasungormat apriilip 7-ani toqqaannartumik aallakaatinneqarpoq, tassanilu siunertaasimanngilaq partiit tamaasa katersornissaat, soorlu taama Kattusseqatigiit Partiiat oqartoq. Inatsisartuni ataatsimiinnissaq pilersoq aalaavigalugu aallakaatitami qulequttat ilungersunartut maannakkut qanittumilu Inatsisartuni aalakangiivigineqartussat sammerusussimavagut.

Aallakaatitaq qulequtaqarpoq 'nunatta inissisimanera qanoq innersoq paasiniarparput - maannakku tsiunissamilu qanittumi' . Naalakkersuisnut illuatungiliuttunillu peqataasoqarnissaa kissaatigisimavarput, taamaattumik aggersakkat aamma taakkuupput, Kuupik Kleist aamma Niels Thomsenpartiinit naalakkersueqataasuneerlutik, Aleqa Hammond aamma Finn Karlsen illuatungiliuttuneerlutik.

Malugeqqussavarput, aallakaatitaq qineqqusaarnermut tunngatillugu oqallitsitsinerunngimmat, tusarnaartutsinnulli iluaqutaasussaq, taamaalillutik sunatta maannakkorpiaq qanoq inissiismaneranut isummersinnaallutik.

Aamma pingasunngornermi apriilip 14-ani naalakkersuinermik sulialinnik oqallitsitseqqissaagut, maannakkut Inatsisartuni partiit tamarmik qaaqquneqassallutik, aamma Kattusseqatigiit Partiiat soorunami...