Qallunaat sisamararterutaat isumaqarput Dronningi tunuartariaqartoq
Apriilip 16-ianni Dr. Margrethe 70-inik ukioqalissaaq - tamatumunnga atatillugu qallunaat 25 procentii isumaqarput tunuartariaqartoq Kunngissarlu Frederik kunnginngortillugu.
Dronning Margrethe maannakkut imaluunniit ukiut qulit iluanni tunuartariaqarpoq kunngissaq Frederik kunnginngorniassammat.
Qallunaat amerlanerussuteqartut taamatut akissuteqarput Morgenavisen Jyllands-Posten sinnerlugu Rambøllip misissuinerani. Qallunaat sisamararterutingajaasa - 23,5 pct.-t - dronningi sapaatip akunnerani tullermi 70-iliineranut atatillugu soraarninngorteqquaat, 22,1 pct.-t 80-iliinissaanut utaqqisinnakasut.
Taamatut allappoq jp.dk.
Tunuarnissaanik kajumissaarisoqarmat imaanngilaq dronningi naammaginnginnamikku, Lars Hovbakke Sørensen, Aarhus Universitetimi lektori, erseqqissaavoq.
- Inuusunnerit kunngissaq Frederik assiginiarluarneruvaat pissutigalugu kingulliarsoqatigigamikku, taamatut nassuiaateqarpoq pingaartumik qallunaat inuusunnerit dronningi soraarninngornissaanik kajumissarmassuk.