Nunatsinni sukkasuuliamut allagartartaartut
Sakkutuut nunatsinnukannginnerminni sukkasuuliamik ingerlatsinissamut allagartartaarsimanngillat. Taamaattumik Triton Narsarsuup kangerluaniitillugu allagartartaartinneqarput.
Sakkutuut Frederikshavnimi sukkasuuliamut allagartartaartaraluarput. Ukiorlunnera pissutigalugu allagartartaanngitsoortoqarsimavoq.
- Qaammatip aappaata affaani Frederikshavnimi atuarfimmeereerluta paasitinneqarpugut sukkasuuliamut allagartartaarsinnaanngitsugut. Tamanna nuannarivallaarsimanngikarput, sakkutooq Mathias Lundsgaard Kristensen oqarpoq.
Imali ajortigisoqanngilaq arlaannut iluaqutaasoqarani, sakkutuummi Nunatsinni allagartartaartinneqarput. Silarluk atorneqaqqippoq anorsaarluni malleqalunilu, sakkutuunulli iluaqutaasumik. Tamannami pissutigalugu umiarsuaq alapernaarsuut Narsarsuup kangerluaniiginnarpoq.
- Taava oqarfigineqarpugut Kalaallit Nunaanniinnitsinni sukkasuuliamut allagartartaassasugut. Nuannaajallaqaagut, Mathias Lundsgaard Kristensen oqarpoq.
Taamaattumik atuagarsorneq sukkasuuliamillu ingerlatsineq ingerlanneqarput, sakkutuullu nuannaartut sukkasuuliamut allagartartaarput.
- Misilillugu nuanneqaaq. Maani (Kalaallit Nunaanni) angallateeqqat anginerit atorpavut ilulissallu kassuillu apornaveersaartussaallutigit, Mathias Lundsgaard Kristensen forsvaret.dk-mut oqarpoq.