Atuarfimmi nerisat allanngorarnerusut
Atuarfimmi nerisaqartitsineq pillugu aaqqissuussineq nutaaq Kommuneqarfik Sermersuumi atuutilissaaq ukioq atuarfiusoq nutaaq aallartippat. Angajoqqaat affaasa maannamut aaqqissuussineq iluarinngilaat.
Kommuneqarfik Sermersuumi angajoqqaat atuartuutillit atsiornermikkut uppernarsaqqissavaat qitornatik suli atuarfimmi nerisaqartinneqassasut augustimi ukioq atuarfiusoq nutaaq aallartippaat. Tassanissaaq nerisaqartitsinermut aaqqissuussineq nutaaq atuutilissaaq.
– Piorsaanermut Ingerlatsiviup atuarfinnut immikkoortortaqarfiata misissusitsinerata qulaarpaa, atuisut affaasa missarpiaasa nerisassat tunniunneqartartut imaasa allanngorarnerunissaannik kiisalu imigassaritinneqartut assigiinngitsuunissaannik piumasaqartut, meeqqat amerlasuut immummik sapigaqartarmata, taama Kommuneqarfik Sermersooq nalunaarpoq.
– Angajoqqaat meeqqallu ilaatigut naammaginngisaat tassaapput qallersuutissat assigiiaarpallaarnerat kissaatigalugulu iffianik akoqarnerusunik tunisisoqartarnissaa kiisalu naatitat assigiinngiiartut aamma naatitat panertut piumaneqarlutik, taama inerniilisoqarpoq.